Нууц мэдээллийн уурхай

Монгол улс улам бүр Хятадын хавсарга болж байна. Үүнийг нь манай харалган улстөрчид дэврээж луугийн энгэрт биднийг наалдуулсаар байна. Монгол Ардын Намын дарга, Монгол Улсын парламентийн дэд дарга Миеэгомбын Энхболдоор ахлуулсан Монголын төлөөлөгчдийг 2016 оны ИйИ сарын 29-ний өдөр Хятадын Коммунист намын төв хорооны улс төрийн товчооны гишүүн Лью Юншан Бээжин хотод хүлээн авч уулзлаа. Хятадын Коммунист Намын дээд удирдлагуудын нэг Лью Юншан Мягмар гаригт Монгол Улстай нам хоорондын хамтын ажиллагааг эрчимжүүлэхийн чухлыг цохон тэмдэглэв.  Уулзалтын үеэр, Энхболд тэргүүтэй төлөөлөгчдөд зориулан Хятадын хууль тогтоох дээд байгууллага болон үндэсний зөвлөх хорооны энэ оны хамтарсан хурал буюу “Хоёр чуулган” хэмээн нэршсэн нэгдсэн чуулганы үр дүн болоод Хятадын таван жилийн төлөвлөгөөний тухай товч танилцуулгыг хийсэн байна.  Байнгын хорооны гишүүн хэлсэн үгэндээ, Хятад улс дэлхий дахинд шинэ боломжуудыг нээж өгөх нээлттэй, харилцан ашигтай хөгжлийн хөтөлбөрүүдийг хамтран хэрэгжүүлэхэд бэлэн байгааг цохон тэмдэглээд, ХКН-ын зүгээс МАН-тай дээд түвшинд хамтран ажиллах, харилцааг хөгжүүлэхэд чиглэгдсэн бодит хамтын ажиллагааг хөгжүүлэх хүсэл эрмэлзлэл дүүрэн байгааг мэдэгдэв. Хоёр намын ижил төстэй шинж чанарууд болон хамтын ажиллагааны чиглэлүүдийг талархан хүлээн авахын ялдамд хоёр орны хамтын ажиллагаанд Хятадын таван жилийн төлөвлөгөө чухал үүрэг гүйцэтгэж, шинэ боломжуудыг бий болгоно гэдэгт итгэлтэй байгаагаа Энхболд мэдэгдсэн байна.  Түүнчлэн намуудын хамтын ажиллагааг цаашид улам эрчимжүүлэн, Хятад-Монголын хамтын ажиллагаа шинэ түвшинд гүнзгийрэн хөгжинө гэдэгт найдаж байгаагаа илэрхийлсэн байна гэжээ. МАН сонгуульд ялбал Хятадын Коммунист нам  Монголд нөлөөгөө улам өргөжүүлэх нь тодорхой болжээ.

NUUTS.mn