Хөлбөмбөгийн ДАШТ-2014-ын ялалтын гоолийг “хийсэн” пүүз 2 сая еврогоор зарагджээ
Нийтэлсэн: 2016-03-31 04:36:27
.png)
Хөлбөмбөгчдийн хамгийн эрхэм хэрэглэл нь пүүз гэдэг. Тэгвэл хамгийн хүндтэй зүйлээ өгье гэснээс болж алдарт хөлбөмбөгчин Лионель Месси хүнд байдалд ороод байна. Тэрээр саяхан Египетийн «MBC» телевизийн нэвтрүүлэгт оржээ. Нэвтрүүлгийн заншил ёсоор зочин нь ямар нэгэн зүйлээ Египетийн ард түмэнд хандивладаг тул Месси өмсөж ирсэн гутлаа өгье гэснээс бөөн шуугиан дэгджээ. Египепчүүд түүний үйлдлийг өөрсдийг нь ядуу доройгоор нь басамжилан доромжилсон хэмээн гомдож сүйд болжээ. Тус улсын парламентийн гишүүн хүртэл хариуд нь өөрийн гутлаа зараад мөнгийг нь Аргентин улсад хандивлана гэдгээ мэдэгдсэн. Харин Месси хөлбөмбөгчний хувьд хамгийн эрхэм зүйлээ л өгье гэсэн юм хэмээн бухимджээ. Алдарт хөлбөмбөгчидийн пүүз ямагт үнэд хүрдэг. ДАШТ-2014 оны аваргын төлөөх тоглолтонд хожлын гоол хийсэн герман хөлбөмбөгчин Марио Гётце буяны ажиллагаанд зориулан ялалтын бөмбөгийг өшиглөсөн пүүзээ дуудлага худалдаанд оруулахад нэгэн саятан хоёр сая еврогоор худалдан авсан.
NUUTS.mn
