Жагсагчид ордон луу шар нунтаг цацлаа
Нийтэлсэн: 2016-03-29 03:06:45
Иргэний нийгмийн байгууллагууд өнөөдөр зарлагдсан УИХ-ын ээлжит бус чуулганаар хэлэлцэх асуудлыг дэмжихгүй байгаагаа илэрхийлж Төрийн ордны гадаа жагсаж байна. Тэдний зүгээс өнөөдөр чуулганы нэгдсэн хуралдаанаар хэлэлцэж буй асуудлыг эсэргүүцэн байр сууриа илэрхийлж буй аж. Хөдөлгөөний зүгээс “Цацраг идэвхит хаягдлыг үүссэн улсад нь булшлах ёстой гэдэгт итгэлтэй байх” гэсэн томьёолол бий. Энэ нь уран экспортолсон тухай улс өөрөө цөмийн ашигласан түлш буюу цөмийн хаягдлаа буцааж авах үүргийг олон улсын гэрээ конвенциэр өөртөө хүлээж авч байгаа явдал юм. Монгол Улсын Засгийн газар 2015 онд Францын “Арева” компанид ураны ашиглалтын гурван лиценз олгосон бөгөөд 2017 оноос уранаа экспортлохоор ажиллаж байна. Иймд дээрх конвенцийн дагуу экспортолсон ураныхаа цөмийн хаягдлыг Монгол Улсад эргүүлэн авах үүргийг олон улсын өмнө хүлээж байгаа тул дэмжихгүй гэв. Энэ үеэр жагсагчид ордны хашаа давуулан шар өнгийн нунтаг цацсан гэх мэдээлэл таржээ.
