Байшингаа нураалгахгүйн тулд Ши даргын зургаар битүү бүржээ
Нийтэлсэн: 2016-03-28 06:31:53
.jpg)
Шанхайн хотын захиргаа тун зальжин аргатай хуучин байшингийн эзэнтэй тулсан тухай Хонгконгийн хэвлэлүүдэд бичиж байна. Хотын захиргаанаас нураалгах обьектын жагсаалтанд орсон нэгэн хуучин барилгын эзэн газрын үнийн тал дээр эрх баригчидтай тохиролцоонд хүрч чадсангүй уджээ. Эцэст нь хотын захиргаа хүчээр асуудлыг шийдэхээр болж байшинг нураахаар сүүлчийн удаа мэдэгдэх хуудас өгсөний дараа эзэн нь төрийн тэргүүн Ши Жиньпины зургаар байшингаа битүү нааж орхисон гэнэ. Маргааш өглөө нь бульдозертой ирсэн дүүргийн төлөөлөл улсын даргынхаа зурганд бүрхэгдсэн байшинг техникээр дайран нурааж чадалгүй бантан зогсжээ. Хот тохижилтынхон даргын зургийг нэг нэгээр нь уралгүйгээр хуулах гэсэн боловч маш сайн чанарын цавуугаар наасан тул салахгүй зовоож байгаа аж.
