Талийгаач нөхрийх нь чандартай хиймэл эрхтэн гүйлгээтэй байна
Хэдий эр нөхөр нь бурхан болсон ч тэнгэрийн оронд байгаа түүнийгээ хуурахаас эмээн бэлгийн амьдралаас хөндийрсэн эмэгтэйчүүд өдгөө айлтгүй болжээ. Холландад бэлэвсэн эмэгтэйчүүдэд зориулан талийгаач нөхрийх нь чандрыг дотор нь хийсэн хиймэл эрхтэн захиалгаар үйлдвэрлэж эхэлсэн нь тун гүйлгээтэй байгаа гэнэ. Энэхүү гайхалтай бизнесийн санааг Марк Станкербаум гэдэг зураач залуу сэдсэн нь бүр гайхалтай. Түүнд ийм санаа олох сэдлийг хөрш ахимаг бэлэвсэн эмэгтэй өгсөн аж. “Би хөрш эмэгтэйгээ сайн харилцаатай, уулзаж юм ярилцдаг байлаа. Нөхрөө алдсан тэрээр их үгүйлдэг санадаг, одоо ч гэсэн үнэнч хэвээрээ явдгаа ярьсан. Нөхрийнхөө чандраас жаахныг гэртээ хадгалдаг гэнэ. Гэхдээ хүнд бүрд гардаг биемахбодийн хүсэл хэрэгцээ нь бас зовоодог гэдгийг нуудаггүй байсан. Харин надад бэлэвсэн эмэгтэйчүүдийн нөхөртөө амласан үнэнч байдал болон секс хэрэгцээ хоёрыг хэрхэн зөв нэгтгэх вэ гэсэн сонин бодол гэнэт төрсөн” гэжээ. Энэ санаандаа хөтлөгдсөн Марк нөхрийнх нь чандрыг дотор нь агуулсан хиймэл эрхтний зургийг тэр дороо л гаргасан гэнэ. Нэвт гэрэлтсэн хиймэл эрхтэн дотор тусгай хоргонд талийгаач нөхрийх нь 21 гр чандарыг хийх аж. Энэ тоог авсан нь учиртай гэнэ. Маркын судалснаар эрдэмтэд хүний сүнсийг жинлээд ийм жинтэй гэж гаргасан ажээ. Чандартай хиймэл эрхтэнг бат бөх аюулгүй саванд хадгалах агаад түлхүүрийг нь нөгөө ертөнцөд байгаа нөхрдөө үнэнч үлдсэн эхнэр нь хүзүүндээ зүүж явах аж. Энэхүү хиймэл эрхтнийг хэрэглэснээр талийгаач нөхөрдөө үнэнч хэвээрээ үлдэх гэсэн бэлэвсэн эмэгтэйчүүд эр нөхрөө хуурсан хэмээн Бурханы шүүлтийн өмнө яллагдахгүй гэнэ. Чандартай хиймэл эрхтэн нь найман мянган еврогийн үнэтэй аж.
НУУЦ.мн
