Дорнодын МАН-ын дэд дарга нь Засаг даргынхаа “хүн цуглуулсан” аргыг зарлалаа
Ерөнхий сайд Ч.Сайханбилэг цэцэрлэгийн нээлтэнд оролцохоор Дорнодод ирсэнд аймгийн Засаг дарга М.Бадамсүрэн тэргүүтэй удирдлага нь хүндэтгэлтэй угтлаа. Харин аймгийн ИТХ-ын дарга Р.Зоригтбаатар харагдсангүй. Хоёр дарга нэг арга хэмжээнд хамт очихгүй болтлоо тангараг тасарсан нь үнэн аж. Харин Хэрлэн сумын дарга, хүний эрхийг боогдуулдагаараа ХҮЭК-ын №1 “дайсан” болоод байгаа алдарт Уулаа хэмээх П.Мөнхтөр нь дагалджээ. Аймгийн ИТХ-ын даргын суудалд хальт суугад авсан тэрээр сүүлийн үед “ухаажиж” Р.Зоригтбаатартай жич уулзан “Бадамаагийн балай юманд орооцолдчихлоо, уучлаарай” гэсэн гэнэ. Ерөнхий сайдын айлчлалын тухайд УИХ-д 12 жил сууж сайд Ерөнхий сайд зэрэг алба хашиж байгаа Ч.Сайханбилэг нь ойрноос л Дорнод гаралтай гэдгээ ярьж “эхэлсэн”. Уг нь хаана төрсөнөө мэддэг юм бол замын ажил нь олон жил гацахад хөөцөлдөх л байсан. Харин Дорнодын хүргэн гэдгээрээ Н.Алтанхуяг амрах далимаараа замын компаниудтай хэрүүл хийж явсан. Ерөнхий сайдын уулзалт хурлын танхим дүүрэн хүнтэй “ажил хэрэгч” уур амьсгалтай болжээ. Сүүлийн үед хаана ч гэсэн уулзалтын заал дүүргэх нь том асуудал болоод байна. Харин үүнийг амжилттай шийдсэн Засаг даргынхаа нууцыг МАН-ын хорооны дэд дарга Ш.Ёл нь цахимд сэмхэн задалжээ. Тэрээр “Онцгой байдлын гамшигийн дохио 4 цагт дуугарч цуглаад Ерөнхий сайдын уулзалт руу марш #Дорнод аймаг” гэж бичжээ. Ингэхээр уулзалтанд хүн бүрдүүлэх гэж хүлээхийн хэрэггүй байжээ. Гамшгийн дохиогоор цугласан бэлэн хүмүүсийг ачаад ачаад уулзалтанд аваачсан аж. М.Бадамсүрэн нь төрд цөөхөн жил ажилласан ч иймэрхүү юмандаа сурамгай нэгэн. Өмнө нь ЗГХЭГ-ын төлөлөгчитэй уулзана гэж цуглуулаад Улаанбаатараас ирсэн МАН-ын дарга нарын уулзалтанд оруулж байсан гэдэг. Ерөнхий сайдаас Дорнодоос хөдлөөд жилдээ 2-3 хүн нам цохиж унагаадаг Засаг даргатай Сүхбаатар аймагт иржээ
