Спортын Арбитрын шүүх Оросын олимпын аваргуудын медалийг хураалаа
Нийтэлсэн: 2016-03-24 13:19:19
.jpg)
Дэлхийн 2-р дайны үед оросууд водкагийнхаа хүчээр ялалт байгуулсан бол өдгөө спортын тавцнаа сэргээшийн хүчээр түрүүлсээр байна. Гэсэн ч хойд хөршийнхөн “улаан сэргээшчид” гэдгээрээ дэлхийн спортын хороодын хараанд өртөж ялалт амжилт бүрийг нь хянан шалгаж бохир үйлдлийг нь илрүүлсээр байна. Саяхан хуралдсан спортын Арбитрын шүүхийн шийдвэрээр Лондон-12 олимпийн 50 км-ын спорт алхаанд түрүүлж алтан медаль хүртсэн Сергей Кирдяпкины 2009 оноос 2012 оны 11-р сар хүртэлх хугацаанд үзүүлсэн бүх амжилтийг цуцалж хүчингүйд тооцжээ. Ингэснээр олимпийн алтан медалиа хураалгахаар болов. Мөн энэ олимпийн мөнгөн медальт хөнгөн атлекчин Ольга Каниськины 2009 оноос 2012 оны 10-р сар хүртэлх хугацаанд гаргасан бүх амжилтыг цуцаллаа. Бас л олимпийн мөнгөн медалиа хураалгажээ. Үүнээс гадна мөн л дээрхи үндэслэлээр хөнгөн атлетикийн ДАШТ-2011-ын эмэгтэйчүүдийн 3000 метрийн саадтай гүйлтэд түрүүлсэн Юлия Зариповойгийн 2011 оноос 2013 оны 6-р сар хүртэлх хугацааны бүх амжилтыг нь хүчингүйд тооцжээ. Ийм шийтгэлийг энэхүү ДАШТ-ын 50 км-ын спорт алхааны төрөлд түрүүлсэн Сергей Бакулинд мөн оноосон байна.
NUUTS.mn
