С.Хасбаатар :З.Энхболд намын дарга, УИХ-ын даргын ажлаа хийж чадахгүй байна
АН-ын гишүүд дэмжигчдийн холбооноос өнөөдөр хэвлэлийн бага хурал хийж, АН-ын дарга З.Энхболдыг намын даргаасаа огцрохыг шаардаж буйгаа мэдэгдлээ. Тус холбооны тэргүүн С.Хасбаатар “АН-ын дарга З.Энхболд УИХ-ын даргын үүргээ гүйцэтгэж чадахгүй байна. АН одоог болтол ҮЗХ-оо хуралдуулж чадахгүй байна. Энэ нь дотроо хагарал бутралтай байгааг илтгэж байна. Мөн баруун аймгуудад томилолттой байхдаа хийсэн мэдэгдэл нь туйлын хариуцлагагүй. Хууль сахиулагч шүүх, цагдаа, прокурорын байгууллагуудын зарим нэг хүмүүсийн ёс суртахуунгүй үйлдлийг хэлэхдээ нэр цохож хэлэхгүй, тэнд ажиллаж байгаа ажиллагсдын нэр хүндийг унагааж, бүгдийг хамаатуулж байгаа нь УИХ-ын даргын ёс зүйд нийцэхгүй. Монгол улсад хүмүүнлэг ардчилсан нийгмийг цогцлоон байгуулахад улс төрийн намуудын төлөвшил, дотоод ардчилал чухал үүрэгтэй. Гэтэл АН-д тодоод ардчилал юу ч алга. З.Энхболд нь Ардчилсан намын үндсэн дүрмийн 6.8.1 заалтыг зөрчсөн. Ардчилсан намын даргаасаа огцрохыг шаардаж байна хэмээн мэдэгдлээ.
