Монголбанкны тансаглалыг Эрдэнэтийн захирлууд еврогоор давж гарлаа
Нийтэлсэн: 2016-03-23 04:30:45
.png)
Жилийн өмнөхөн Н.Золжаргал ерөнхийлөгчтэй Монголбанкныхан гурван тэрум гаруй төгрөггийг дэмжлэг туслалцаа нэрээр хувааж авсан. Захирлууд нь 100 хүртэлх сая төгрөгийн дэмжлэг аван олон нийтийн нүдийг бүлтийлгэж байлаа. Тэгвэл ажирийн ажитнууд нь 13 дахь сарынхаа цалингийн барааг арай гэж харж байхад захирлууд нь хэдэн зуун саяар байр8 цалингийн нэмэгдэл урамшуулал авсан Эрдэнэт үйлдвэр толгой цохин орж ирлээ. Энэ их мөнгийг Ерөнхий захирал Ц.Даваацэрэнгийн багийнхан буюу түүний дагуулж авчирсан хүмүүс хүртдэг аж. “Эрдэнэт үйлдвэр” –ийн хуулийн хэлтэсийн дарга А.Цэрэнсодном 2014 оны 12 дугаар сард 2700 еврогийн цалингийн нэмэгдэл авсанаас гадна 27 мянган евро гэрээний дагуу авчээ. Түүнчлэн 1989-2011 он хүртэл "Эрдэнэт үйлдвэр" ХХК-д мастер, хэсгийн дарга, үйлдвэр техникийн хэлтсийн даргаар тус тус ажиллаж байсан "Багануур" ХК-ийн Гүйцэтгэх захирал Н.Мэргэнбаатар 18000 евро, Эрдэнэт үйлдвэрийн Хүний нөөцийн хэлтсийн дарга Ш.Батдэлгэр 9000 евро, Хуулийн хэлтсийн орлогч дарга Б.Ариунзаяа 18000 еврогийн дэмжлэг тус тус авсан байна.дгээр хүмүүс бүгд Эрдэнэт үйлдвэрийн удирдлагууд бөгөөд ажилласаныхаа төлбөрт цалин авсаар байж давхар хамгийн доод тал нь компаниараа 244 саяас 796 сая төгрөгөөр байр авахуулжээ. Тодруулбал “Эрдэнэт үйлдвэр” ХХК-ийн эдийн засаг эрхэлсэн орлогч захирал Б.Алтанхуяг 244 сая төгрөг, “Эрдэнэт” үйлдвэрийн Санхүүгийн хэлтсийн дарга Б.Батжаргалсайхан 309.9 сая, Эрдэнэт үйлдвэр ХХК-ийн Ерөнхий захирлын Үйлдвэрлэл эрхэлсэн орлогч Д.Даваасамбуу 773.7 сая, Эрднэт үйлдвэрийн хөгжлийн асуудал эрхэлсэн орлогч Б.Намхайнямбуу 690.7 сая, Эрдэнэт үйлдвэрийн худалдааны асуудал эрхэлсэн орлогч захирал Х.Өлзий-Орших 771,7сая, нийгмийн асуудал хариуцсан дэд захирлаар С.Сувдаа 796.7 сая төгрөгөөр тансаг зэрэглэлийн байр авахуулжээ.
