Халаасны хулгайчын шивээстэй орос депутат илчлэгджээ
Орос Монголын улстөрийн нэг ижил тал нь эрүүгийнхэн олноороо орж ирсэнд байдаг. Оросын эрүүгийн ертөнцөд их гарын хулгайчдын таних тэмдэг болсон шивээсийг толгойдоо хийлгэсэн депутат эр Свердловск мужийн думд байдгийг сөрөг хүчнийхэн илрүүлжээ. Мужийн думд Реж хотоос сонгогдсон төлөөлөгч Евгений Сурнин нь толгойн шивээсийнхээ эрүүгийн гарлыг няцааж байкерын клубын таних тэмдэг эмблем маягийн юм ярьсан гэнэ. Гэтэл энэхүү шивээс нь хулгайчдын тэр тусмаа халаасны гониочдын шивээс гэдгийг хэвлэлийнхэн ядах юмгүй олж тогтоожээ. Мөн шивээстэй депутат өмнө нь гурван ч удаа ял шийтгүүлж байсныг нь илчилж чаджээ. Тэрээр хулгайн хэргээр хоёр удаа, танхайрсан хэргээр нэг удаа шийтгүүлсэн байжээ. Халаасны хулгайчтай хамт думд сууж байгаагаа мэдсэн зарим депутатууд Сурнинаас албан ёсны тайлбар шаардаж эхэлжээ.
