Казакстан кирилл бичгээс татгалзлаа, Бид хэзээ вэ...
.jpg)
.jpg)
Тус улсын ерөнхийлөгч Нурсултан Назарбаев кирилл бичгээс латинд шилжих нь үе шаттай бөгөөд зайлшгүй хийгдэх ёстой хэмээн мэдэгдсэний дараа оросуудын нүүдлийн хоёрдахь давалгаа эхлэх нь тодорхой болжээ. Казакстаны хоёрдахь том үндэстэн болох орос хэлтнүүд нь хүн амын 21 хувийг эзэлдэг. 1990 онд шинээр үүссэн Казакстанаас оросууд бөөнөөр нүүж байсан бол өдгөө төрөлх хэл үндсэн бичиг нь хэрэглээний шахагдах нь ойлгомжтой болмогц ахин Орос руу буцахаар шийдэцгээж байгаа гэнэ. Орос бичгийг хална гэдгийг зарласнаар Нурсултан нь Оросын хувьд "нөхөр ч биш дайсан ч биш" саармаг нэгэн болж хувирсан гэнэ. Түрэг хэлтнүүдээс Түрэг нь латин бичигтэй. Хоёр жилийн өмнө Путин Казак гэж улс түүхийн хувьд хэзээ ч байгаагүй гэж хэлсний дараа гомдсон Нурсултан Түрэг лүү эргэсэн. Өдгөө Сирийн явдлаас болж Орос Түрэг хоёр хэзээ ч эвлэрэхгүйгээр түнжин хагарсны дараа казакууд хэл шажин нэгтнүүдийнхээ талд ил цагаан орсон. Үүний нэг баталгаа нь кирилл бичгийг халж байгаа явдал юм. Хэдийгээр латин бичигд шилжих нь 300-500 сая доллар зарцуулсан асар их ажил болох нь тодорхой ч ирээдүйд энэ бичгийг хэрэглэнэ гэдгээ Нурсултан хатуухан мэдэгджээ.
NUUTS.mn
