Цаазын ялтанд үхлийн тариа тарихаар 18 удаа хатгаад судсыг нь олсонгүй
Нийтэлсэн: 2016-03-18 02:14:12
Америкийн Огайо мужийн дээд хэмжээ авсан ялтнуудын шоронд Леонардо ДиКаприогийн "Босоо ороолон" киног санагдуулам үйл явдал болжээ. 14 настай охинг хулгайлан хүчирхийлж амийг нь хороосон хэрэгтээ цаазын ял авсан 59 настай Роммэл Брум эхний удаагийн тогтоол гүйцэтгэлээс амьд гарчээ. Шоронгийн бүтэлгүй тогтоол гүйцэтгэгчид үхлийн тариа тарихаар 18 удаа зүүгээрээ хатгасан ч амин судсыг нь олж чадсангүй зэрэмдэглэж орхижээ. Ялтан хатгах бүрд аймшигтайгаар орилж байсан гэнэ. Эцэст нь тогтоол гүйцэтгэлийг хойшлуулжээ. Саяхан мужийн прокуророос цаазын ял гүйцэтгэхийг ахин шаардсанд Брумын өмгөөлөгчид эсэргүүцжээ. Ялтны биед тариурын зүү орсон л бол тогтоол гүйцэтгэсэнд тооцно, нэг хэргээр хоёр удаа цаазалж болохгүй хэмээн эсэргүүцэлдээ дурдсан гэнэ.
NUUTS.mn
