Путины төлөөлөгчийг Чеченьд зодож доромжилжээ
Оросын ерөнхийлөгчийн дэргэдэх Хүний эрхийн зөвлөлийн гишүүн, "Эрүү шүүлтийг устгахын төлөө" ТББ-ын тэргүүн Иогрь Каляпиныг Грозный хотын зочид буудалд хэсэг эмэгтэйчүүд муудсан өндөгөөр шидэж гурил будаг цацан зодож дорожилжээ. Эхлээд түүнийг Чечений төрийн тэргүүн Кадыровыг шүүмжилсэн хэмээн өрөөгөө суллаж өгөхийг зочид буудлын эрхлэгч шаардсан гэнэ. Түүнтэй маргасан зөвлөлийн гишүүнийг доошоо буухад эмэгтэйчүүд голдуу 15 хүн угтан тал талаас нь дайрчээ. Тэд ногоон будаг, гурил цацан өндөгөөр шидэлж цохиж өшиглөж гарчээ. Зөвлөлийн гишүүний толгой нь азаар бүрэн харин биеийн бусад хэсэгтээ нэлээд их бэртэл гэмтэл авсан тухай хамт явсан хүмүүс нь мэдээлжээ. Хэдийгээр ТББ-ын тэргүүн ч Каляпин нь ерөнхийлөгчийн дэргэдэх Зөвлөлийн гишүүн тул бараг л Путины хүн гэнэ. Гэтэл чеченьчүүд түүнийг нь тоолгүй зодож доромжилсон нь Путин Кадыров хоёрын хооронд зөрчил гарсантай холбож тайлбарлаж болох тухай сөрөг хүчнийхэн мэдээлж байна. Өнгөрсөн сард Кадыров Москвагаас буцаж ирээд албан тушаалаа өгсөн ч болох тухай мэдэгдэл хийн шуугиан тарьж байсан.
NUUTS.mn
