Өргөмөл хүү нь ач хариулж өрөөсөн бөөрөө ээждээ өгчээ
Нийтэлсэн: 2016-03-15 14:08:20
27 жилийн өмнө Ингеборг Макинтош гэдэг эмэгтэй энэ бяцхан хүүг өргөж авчээ. Өдгө том эр болсон Жорданыг өргөж авах гэж элдэв бичиг цаас зөвшөөрөл бүрдүүлж бүтэн дөрвөн жил уйгагүй хөөцөлдсөн гэнэ. Тухайн үед Ингеборг бяцхан хүүг хараад шууд өргөж авахаар шийдсэн нь хувь тавилан байсан аж. Тэрээр өргөмөл хүүгээ чадлаараа өсгөж гарыг нь ганзаганд хүргэсэн. Гэтэл долоон жилийн өмнөөс ээж нь баөрний дутагдал өвчнөөр өвчилж сүүлдээ хүндэрч гагцхүү бөөр шилжүүлэн суулгаж байж л амь насыг аврана хэмээн эмч нар хэлжээ. Цөөхөн уулзалддаг хамаадан саднаас нь бөөрөө өгөх хүн гарсангүй. харин Жордан ээжээсээ нууцаар шинжилгээ өгтөл түүний бөөр Ингеборгод тохирно гэсэн хариу гарчээ. Ингээд шууд л бөөрний донор нь болохоор шийдсэн агаад өргөмөл ээж нь энэ тухай мэс засалд орохоосоо хэдхэн цагийн өмнө л мэджээ. тэрээр өргөмөл хүүгээ тэврээд "чи сайн бодсон биз, одооч татгалзаж болно, би огтхон ч гомдохгүй" гэхэд өргөмөл хүү нь "би таны төлөө үүнийг хийх үүрэгтэй" гэжээ. Бөөр шилжүүлэн суулгах мэс засал амжилттай болсон бөгөөд өдгөө тэр хоёр жинхэнэ мах цусны холбоотой ээж хүү хоёр болжээ.
Nuuts.mn
