Босс өвгөн хүүтэй нь суух эмэгтэйг захирлаар авах зар тавьжээ
Хятадын Шижанг мужийн Тайжоу хотын нэгэн том арьс ширний үйлдвэрийн эзэн 68 настай өвгөн Чэн олон нийтийн цахим сүлжээнд нэгэн зар тавьсан нь эмэгтэйчүүдийн анхаарлыг татжээ. Тэрээр үйлдвэрийнхаа гүйцэтгэх захирлын албан тушаалд чадварлаг эмэгтэйг шалгаруулж авна гэжээ. Өвгөн боссын тавьсан зард "Маркетинг менежмэнтийн зэрэгтэй, удирдан зохион байгуулах чадвартай, шаргуу ажилсаг зан чанартай, компьютер, гадаад хэлний мэдлэгтэй" гэх удирдах ажилтанд тавигддаг шалгуур шаардлагыг заасан байжээ. Харин хамгийн сүүлд нь "38 хүртэл настай, хүүхэдтэй байж болно, мөн миний хүүтэй гэрлэхийг зөвшөөрсөн байх" гэсэн гол шаардлагаа оруулжээ. Үйлдвэрийн эзэн компани хүү хоёрдоо зэрэг зовж байгаа ч хүү нь илүү их зовоодог гэнэ. 38 настай ганц хүүгийнх нь өмнөх амьдрал нь бүтэлгүйдсэний дээр үйлдвэрийг нь аваад явчих чадвар чадамж муутай гэдгийг өвгөн хүлээн зөвшөөрчээсөн. Иймд дээрх хоёр асуудлыг нэг арга хэмжээгээр шийдэж сайн гүйцэтгэх захиралтай бас сайн бэртэй болохыг хүссэн гэнэ.
NUUTS.mn
