Хятадад шувуу туулайг амьд “бай” болгон чулуугаар шидүүлдэг
Нийтэлсэн: 2016-03-03 03:40:18
Урд хөршийн аймшигт явдал огтхон ч дуусахгүй аж. Хонгконгийн “Huaxi Metropolis Daily” сонинд мэдээлснээр цэцэрлэгт хүрээлэн, зах зэрэг газруудад шувуу болон туулай зэрэг жижиг мэрэгч амьтдыг амьд бай болгон тоглуулах нь улам бүр газар авч байгаа гэнэ. Сычуань мужийн Гуанхо хотод хулгана, туулай, жижиг шувуу зэрэг амьтдыг торонд хийгээд сонирхогчдоор чулуу шидүүлэн онуулж тоглуулж байсныг тус хэвлэлд дурджээ. “Оготно туулай шувуу зэрэг 20 гаруй амьтдыг жижигхэн торонд хийн тавьсаныг хүссэн хүн мөнгө төлөөд чулуугаар шиддэг тоглоом тоглуулж байсан. Тоглуулагчийн ярьсанаар амьтан жижиг байх тусмаа сайн, тэгвэл хүмүүсийн онох боломж багасдаг. Амьд амьтан хараад хүмүүс онох гэж улам улайрдаг” гэснийг дамжуулжээ. Хөөрхий амьтдыг хүмүүсийн шисэн чулуунаас тор нь төдийлэн хамгаалж чаддаггүй гэнэ. Түүнээс гадна халуун наранд өдөржин торондоо хэвтэн чулуугаар шидүүлдэг аж.
