Ж.Батсуурь жилдээ 2-3 хүнийг нам цохьдогийг М.Зоригт зарлалаа
АН-ын Засаг дарга нараас ганц “нүүр тахалдаг” нь гэх Сүхбаатарын Ж.Батсуурийг сайн гэгч түллээ. Тэр хүн нь хэн байсан бүр сонин. Нутгаас нь сонгогдсон “алтан нутаг” бас сайн найз нь гэдэг УИХ-ын гишүүн, ЗТ-ийн сайд М.Зоригт үүнийг хийлээ. Тэрээр Дорнод аймгийн АН-ын гишүүд дэмжигч нартай уулзахдаа “Өнөөдөр Сүхбаатар аймгийн засаг дарга Батсуурь жилдээ 2-3 хүнийг нам цохиод унагаадаг” гэж цээж дүүрэн хэлсэн. Дорнодоос мандат “горьдон” ирсэн давхар дээлтэн бичлэг хийгдэж байгааг мэдэж байсан ч ийнхүү алтан нутгийнхаа хүн зоддогийг бүр нам цохьдогийг зарлаж орхисон. Магадгүй Сүхбаатар аймгийн “нөр их бүтээн байгуулалтын” нэг хөшүүрэг нь Засаг даргын муна шиг нударга байсан бололтой. Хэрвээ хүн зодсон бол энэ нь гэмт хэрэг, түүнийг харсаар үзсээр байж зохих газарт нь мэдэгдэхгүй байгаа нь М.Зоригтын буруутай үйлдэл мөн. Ийнхүү гишүүн нь Засаг даргаа ганц сайн чадаж тун ч муухай юм хийлээ дээ. Уг нь ханилж яваад нөхрөө гэдэгсэн.
