С.Ганбаатарыг хөөж Б.Найдалааг ХҮН-ын даргаар сонголоо
Монголын улстөрийн түүхэнд нэгхэн сарын настай намын даргаар С.Ганбаатар тодорч магадгүй болжээ. Сарын ХҮН-ын даргаар сонгогдсон УИХ-ын гишүүн С.Ганбаатарыг тус намаас хөөх үндэслэлтэй хэмээн намын Хариуцлагын ерөнхий хороо шийдвэрлэсэн байна. Ингээд энэхүү шийдвэрийг өнөөдөр намынх нь төв хороо хуралдаж шийдвэрлэх ажээ. Тус хурал 11 цагаас Пума зочид буудлын хоёр давхарт болох ажээ. ХҮН-ын Хариуцлагын ерөнхий хорооноос “ХҮН-ын даргын 2016 оны 2 дугаар сарын 11-ны өдрийн 02 тоот тушаал болон тодорхой үйлдлүүд намын дүрэм журмыг зөрчсөн эсэх тухай” хэмээх шийдвэрт тус намын дарга С.Ганбаатарын 02 тоот тушаал нь Хариуцлагын ерөнхий хорооны тушаалыг түдгэлзүүлэхээр заасан нь ХЕХ-ны ажиллах журмын 6.2-ыг зөрчсөн, түүнчлэн удаа дараа эрх мэдлээ хэтрүүлэн дүрмийн бус тушаал гаргасан хэмээн үзэж намын даргын албан тушаалаас огцруулж өгөхийг хүссэн өргөдлийг тус намын Дундговь аймгийн намын хорооны дарга Ш.Эрдэнэбатын зүгээс гаргажээ. Мөн намын дарга С.Ганбаатарыг намын дүрмээ зөрчсөн гэдгийг ХЕХ нь тогтоосон шийдвэрийг гаргасныг хавсралтаас харж болох юм. Иймээс ХҮН-ын дарга С.Ганбаатарыг намаас нь хөөж Б.Найдалааг ХҮН-ын даргаар сонголоо
