Хавч захиалаад дотроос 6000 долларын сувд олжээ
Нийтэлсэн: 2016-02-26 03:12:14
Вашингтон мужийн Иссака хотын иргэн Линдсей Хаш санамсаргүй тохиолдлоор зургаан мянган долларын үнэ хүрэх сувдтай болжээ. Орон нутгийн “Issaquah Press” сонинд мэдээлснээр хотынхоо итали зоогийн газарт паста , хавч захиалж иджээ. Хавчаа нээн идэх үед шүдэнд нь нэгэн хатуу зүйл хазагдсан гэнэ. “Би бараг л шүдээ хугалах шахсан. Гаргаад хартал хар хөх өнгийн сувд байсан” хэмээн азтай эмэгтэй ярьжээ. Зоогийн газраас гараад үнэт эдлэлийн шинжээчээр шалгуулахад 6000 доллар хүрэх цэвэр сувд байна гээд зарахыг санал болгожээ. Америкийн итали зоогийн газарт пастаг дагалдуулан хавч өгөх нь түгээмэл байдаг гэнэ.
NUUTS.mn
