Хятадад Коммунист намын гишүүдийг оршуулах журмыг чангатгалаа
Нийтэлсэн: 2016-02-25 07:28:17
.png)
Авилгалтай тэмцэх хүрээнд ХКН-ын гишүүдийг оршуулах ажиллагааг зохицуулсан журмыг чангатгалаа. Үүнээс хойш коммунист намын гишүүдийг бусад иргэдийн нэгэн адил 1м2 газарт оруулах болжээ. Өмнө нь үүнээс том газарт хөрөнгө мөнгө их зарсан нь илт харагдахаар бунхан хийж оршуулдаг байсныг зогсоожээ. “Коммунист намын гишүүдийн бунхан оршуулга нь хэт нүсэр чамин байх нь олон нийтийн дунд намын тухайд таагүй сөрөг ойлголт төрүүлдэг” хэмээн уг удирдамжинд дурджээ. Мөн оршуулгын үеэр хэт олон хүнийг хамарсан цайллага буяны үйл ажиллагаагаа явуулахыг бас хязгаарлажээ. Хэрвээ олон хүнийг хамарсан нүсэр оршуулга хийж их мөнгө зарцуулбал авилгалын хэрэгт сэжиглэх үндэслэл болохыг сануулсан гэнэ. Коммунист намын гишүүдийн оршуулга нь хямд төсөрөөс гадна байгаль орчинд аюулгүй байх талаар бусдад үлгэр жишээч байх ёстой гэжээ. Байгаль орчинд хор хөнөөлгүй оршуулгын жишээнд чандрыг нь далайд хаях эсвэл нисэх онгоцноос агаарт хийсгэх зэргийг дурдсан байна.
