Хүү “хийж” чадсангүй хэмээн эрхтнээ тас огтолжээ
.jpg)
Өмнөд Хятадын Фужиан мужийн Гуанжоу хотын дэргэдэх нэгэн суурингийн тариачин эр согтуудаа эрхтнийнхээ үзүүрээс гурван см орчмыг огтолж хаясан тухай орон нутгийн “Dongnan Zaobao” сонин мэдээлсэн нь цахим ертөнцөд нь шуугиан тарьжээ. 36 настай тэрээр өдгөө хоёр охинтой гэнэ. Удам залгах хүүтэй болж чадаагүйдээ дотроо гутарч явдаг байсныг нь эхнэр болон хадмынхан нь мэддэг ч ийм үйлдэл хийнэ хэмээн санаагүй гэж ярьжээ. Өнгөрсөн долоо хоногийн даваа гаригийн орой тэрээр гэртээ согтуу ирээд нэмж уун Ма овогтны удам ингээд тасарлаа хэмээн баахан орилсон гэнэ. Дараахан нь аймшигтайгаар орилж ёолсонд эхнэр нь галын өрөөндөө ороход хоолны хутгаар эрхтнээсээ огтлоод хаячихсан байжээ. Гэрийнхэн нь тэр дор нь эмнэлэгт хүргэсэн агаад гайхалтай нь мань эр хүү “хийж” чадаагүй олиггүй муу эрхтнийг буцааж оёулахгүй хэмээн эсэргүүцэж ахин шуугиан дэгдээжээ. Эцэст нь хүчээр унтуулах тариа хийж байж мэс засалд оруулсан гэнэ. Маргааш нь эрүүлжсэн хойноо суурингийн эрчүүдтэй уух үед түүнийг дахиад л хүүгүй хэмээн доромжилж тавласан тухай ярьжээ. Бусдын тоглоом шоглоомын бай болж явдагдаа улам гутарч гэртээ ирээд нэмж уун архины халуунд хүү хийж чадаагүй эрхтнээ “шийтгэн” тасалж хаясан гэнэ. Эрхтнээ шийтгэдэг эр хоёр хүүхэдтэй тул ахин хүүхэдтэй болох боломж нь хуулиараа нэгэнт хаагджээ. Урд хөршид уламжилалаа дагаад эрэгтэй хүүхдийг чухалчилж охидыг хоёрдугаар зэрэгт үздэг. Өмнө нь нэгэн хятад эр эмэгтэй хүүхэд хүсээгүй гээд нялх охиноо цонхоор гаргаж чудлуудахыг завдсан удаатай.
