М.Зоригт Дорнодын АН-аас хөөгдөөд гарчээ
Дорнод аймагт нэр дэвшихээ зарласан ЗТ-ийн сайд М.Зоригтын эхний уулзалт бүтэлгүйдэж мордохын хазгай гэгч болжээ. Өчигдөр 17 цагт УИХ-ын гишүүн, Зам тээврийн сайд М.Зоригт аймгийн Ардчилсан намын гишүүдтэй уулзахаар намынхаа байранд уулзалт зарласан гэнэ. Гэвч хурал уулзалт биш эсэргүүцэлтэй нүүр тулсан гэж эх сурвалж мэдээллээ. Гишүүн гуай анхнаасаа л таалагдаагүй аж. Цугласан олны өмнө үг хэлэхдээ халаасандаа гараа хийсэн ихэмсэг байдалтай, асуултанд тодорхой хариулт өгөхгүй байсны дээр Сүхбаатар аймгаа л яриад магтаад байжээ. Энэ нь гишүүний хоёр аймгийн дунд “тэлээ хурга” шиг явах далд санаатайн баталгаа гэж үзсэн гишүүд дэмжигчид эсэргүүцэж хөөж туусан гэнэ. Харин М.Зоригт энэ тухай өөрийн файсбүүктээ намын байранд багтахгүй их гүшүүд ирлээ хэмээн бичсэн байх юм.
