Солонгос пастор Монголд албан татвар төлөхгүй гэжээ
Нийтэлсэн: 2016-02-24 02:20:16
Монгол улсад 183 хох ба түүнээс дээш хугацаагаар байнга оршин суусан гадаадын иргэдийг татвар төлөгчөөр бүртгэх хуулийн заалттай. Гэтэл 2007 онд ирж хоёр жилийн дараагаас Баптист сүмийн номлогч багшаар ажилласан Хөвсгөл аймгийн “Хөвсгөл ах дүүсийн нөхөрлөл баптист сүм”-ийн пастор нь БНСУ-ын иргэн Чой Донг Жун нь татварын албанаас ононгдуулсан 25 сая төгрөгийн нөхөн татвар, торгууль алдангиийг төлөхгүй хэмээн эсэргүүцжээ. Татварын газрын тогтоосноор тэрээр оршин суух хугацаандаа орлого олсон үйл ажиллагаа явуулж 2010 онд БНСУ-аас 52 2, 2011 онд 28, 8 сая, 2012 онд 30, 0, 2013 онд 42,1 сая төгрөгийн татвар ногдох орлого олсон боловч татвар төлөөгүй байсан нь илэрсэн гэнэ. Үүнтэй холбоотойгоор пастор Чой Дон Жунг нь өөрийн орлого болох 2010-2013 оны нийт дүнгээр 153, 2 сая төгрөгийг өөрөө хүснэгтээр гарын үсэг зуран баталгаажуулж татварын хяналт шалгалтанд албан ёсоор гаргаж өгчээ. Пастор нь мөн Солонгосын христэд итгэгчдийн Монголд ирж хийсэн аялал жуулчлалаас ч орлого олдог, сардаа 4 сая төгрөг авдагийг татварынхан илрүүлсэн гэнэ. Тэрээр татварын байцаагч нартай ярилцлах үеэрээ “Монгол улсад амьдрахад монгол мөнгөөр 2-3 сая төгрөгийн зарлага гардаг” гэж хэлжээ. Үүнээс үзэхэд нэлээд орлоготой болох нь тогтоогдсон ч татвар төлөхгүй хэмээн заргалдаж байгаа гэнэ.
