Хурим хойшлууллаа хэмэн сүйт залуугаа үүрд “нойрсуулах” тариагаагаар тарьжээ
Нийтэлсэн: 2016-02-24 01:36:41
Хятадын Шанхай хотын шүүх 29 настай сувилагч эмэгтэйд сүйт залуугаа нойрсуулах тариа их тунгаар санаатай тарьж амийг нь хордуулсан хэргээр ял оноожээ. Шанхай хотын Ардын 6-р эмнэлгийн сувилагч нь хамт ажилладаг залуутайгаа 2011 оноос дотно харьцаатай болсон гэнэ. Тэд дөрвөн жил болзсоны эцэст өнгөрсөн жилийн эцсээр хуримаа хийхээр төлөвлөжээ. Гэтэл хуримын өмнөхөн хүргэний талын санаачилгаар тодорхой хугацаагаар хойшлуулсан агаад “энэ тухайд үндэслэлтэй шалтгаан байсан “хэмээн дараа нь хуулийнханд мэдүүлжээ. Харин бэрийн талд энэ нь маш хүндээр тусжээ. Маш их зардлаас гадна тухайн овгийн нэр хүндийн хэрэг байдаг хятад хуримын тухайд энэ нь ойлгомжтой гэнэ. Хэрвээ хурим цуцлагдвал бэрийн нэр хүнд төдийгүй түүний ураг овог нь ичгүүртэй байдалд ордог аж. Хурим хойшлуулснаас хоёр хоногийн дараа хүргэн хүү тодорхойгүй шалтгаанаар бурхан болжээ. Мөрдөгчид сүйт бүсгүйг нь удтал байцаасны эцэст тэрээр ирээдүйн нөхөр нь өөрийг нь хуурсан гэх мэдүүлэг авч чаджээ. Харин шүүх эмнэлгийн дүгнэлтээр хүргэн хүүд нойрсуулах тариаг маш өндөр тунгаар тарьсан нь үхэлд хүргэснийг тогтоосон гэнэ. Хэрэг явдал дэгдэнгүүт бэрийн талынхан бүх инжийг нь буцаан өгчээ.
