Путиныг шоглосон зураг “оруулсан” компьютерийг маусын хамт устгах шийдвэр гаргажээ
Нийтэлсэн: 2016-02-23 06:01:51
Оросын Екатеринбург хотын төмөр замын шүүх өрх толгойлсон эмэгтэй Екатерина Вологженниковыг үндэстэн хоорондын дайсагналыг өдөөн турхирсан, хүний нэр төрийг гутаасан хэмээн 320 цагийн албадан хөдөлмөр хийлгэх ялаар шийтгэжээ. Ганц бие ээжийг яллах болсон шалтгаан нь тэрээр 2014 онд өөрийн цахим хуудсандаа Донбассыг асуудлаар Украйныг дэмжсэн утга агуулгатай пост оруулснаа болсон гэнээ. Уг постонд Кремль уг мөргөлдөөнийг өдөөн турхирсан, Оросын цэрэг байлдааны ажиллагаанд оролоцж байгааг шүүмжилсэн элэглэсэн хэд хэдэн шог зураг байжээ. Гэхдээ хамгийн гол зүйл нь зурагд гарсан нэг хүний төрх Оросын ерөнхийлөгч Путинтэй тун төстэй байснаас том хэрэг дэгджээ. Эмэгтэйн постыг ердөө 20 хүн үзэж дөрвөн хүн лайк дарсан байсан ч түүнийг гэм буруутай хэмээн албадан хөдөлмөр хийлгэх ялаар шийтгэжээ. Бас нэгэн гайхалтай зүйл гарсан нь Екатерина Вологженниковын компьютерыг мөн буруутай хэмээн “яллаж” процессор, маус гарыг нь устгахаар шүүхийн шийдвэрт заасан байжээ.
