Цалингаа нэхээд захиралдаа зодуулжээ
Нийтэлсэн: 2016-02-23 01:33:46
Хятадын Guangdong мужийн Huizhou хотын нэгэн хувийн барилгын компаний ажилчин Чэнг Юндэ нь захирлаасаа цалингаа нэхээд зодуулж гурван хавиргаа хугалуулж нүүрээ тэгшлүүлэх шахжээ. Тэрээр Сюй Моуганг гэгчийн барилгын компанид 2014 оны 11-р сард ажилд ороод 2015 оны 3-р сард анхны бөгөөд эцсийн удаа хагас дутуу хөлс авчээ. Тэрнээс хойш ажлаа хийсээр байсан боловч захирал нь ахиж цалин өгөөгүй аж. Ингээд сар шинийн баярын өмнөхөн ажлаасаа гараад үлдэгдэл цалин болох 100 мянган юаниа нэхсэн ч менежэрүүд нь уулзуулсангүй. Компаний оффисыг сахиж байж захиралтайгаа уулзан мөнгөө нэхтэл “намайг цохиж унаган нүүр нүдгүй цохиж өшиглөсөн, нүүрэндээ гэмтэл авсан хавирга хугарсан” хэмээн орон нутгийн сонинд ярилцлаг өгчээ. Харин захирал нь би гар хүрээгүй, тэр хүн өөрөө өөрийгөө гэмтээсэн хэмээн халгаахгүй байгаа гэнэ.
