Каори Ичо П.Орхоныг ялах мэхийг өдөрт 300 удаа давтаж байна гэжээ
Нийтэлсэн: 2016-02-22 02:39:20
Олимп дэлхийн домогт аварга Каори Ичогийн ялалтыг цувралыг манай П.Орхон зогоосон. Саяхан болтол босоо явсан бөх Японы спортын нэвтрүүлэгд оролцож ярилцлага өгчээ. Тэрээр ялагдсан шалтгаанаа тэмцээнд явахаас өмнө жаахан сэтгэл санаа тогтворгүй байсантай холбон тайлбарлажээ. Мөн хөнгөхөн ялчихна хэмээн өөртөө хэт итгэснээс болсон гэнэ. Өдгөө ялагдлаасаа сургамж аван Риогийн олимпод аваргалахын төлөө шаргуу бэлтгэл хийж байгаагаа ярьжээ. Монголын бөх П.Орхоны тухайд тусгайлан барилдааны арга бэлдэж байгаа гэнэ. Орхоны баруун хөлийг нь авах гэхээр зүүн тойроод маш сайн хамгаалдаг, хөлийг нь авахад тун хэцүү. Тийм учраас өвөрмөц тактик боловсруулсан агаад баруун тойрох хөдөлгөөнийг бэлтгэжээ. Каориг баруун тойрох үед өрсөлдөгч нь хамгаалаад дагаж баруун тойрох агаад энэ үед л хөлд нь орох авах боломж гарч ирэх бололтой. Домогт бөх энэ мэх хөдөлгөөнийг өдөрт 300-400 удаа давтаж байгаагааг ярилцлагын үеэр мэдэгджээ.
NUUTS.mn
