Нууц мэдээллийн уурхай

Монголд Солонгосоос гаж донтнууд нь ирж байгаа аж. Өнгөрсөн оны сүүлээр Монголд үйл ажиллагаа явуулдаг, солонгос эзэнтэй нэгэн сүлжээ дэлгүүрт эмэгтэй ажилтнуудынхаа эрхэнд бүдүүлгээр халддаг байсан байж болзошгүй ноцтой хэргийг илрүүлсэн талаар эх сурвалж мэдээлэв. Тодруулбал, нэгэн хохирогч бүсгүй өөрийнх нь ажилладаг сүлжээ дэлгүүрийн эзэн солонгос эр эмэгтэй ажилтнуудынхаа ариун цэврийн өрөөнд нууц камер байрлуулж, бэлгийн дур хүслээ хангадаг байсан хэмээн Нийтийн эрх ашгийг хамгаалах холбоонд хандсан байна. Хохирогчийн мэдээлж буйгаар, дэлгүүрийн эзний хууль бус үйлдлийг өнгөрсөн аранхоёрдугаар сард илрүүлжээ. Гэтэл сар гаруйхны дараа сүлжээ дэлгүүрийн эзэн солонгос эр дахин эмэгтэй ажилтнуудынхаа ариун цэврийн өрөөнд нууц камер байршуулсан байна. Хохирогчдын өмгөөлөгчийн мэдээлснээр, уг хэрэг нь ажлын байрны бэлгийн дарамт төдийгүй Эрүүгийн хуулийн 125 дугаар зүйл ангид зааснаар бэлгийн дур хүслээ хууль бусаар хангах, бусдын нэр төр алдар хүндийг гутаан доромжлох буюу 110 дугаар зүйл ангид заагдсан эрүүгийн хэв шинжийг агуулсан байж болзошгүй хэ ээн үзэж байгаа аж. Хохирогч бүсгүй энэ хэргийн мөрөөр шүүхэд хандахаар болжээ.

NUUTS.mn