“Баянголын” С.Эрдэний гол өрсөлдөгчөөр дуучин Нара тодорлоо
УИХ-д дуучин дутагдаад байсныг одоо “нөхөж” болохоор боллоо. Өмнө нь МУГЖ С.Жавхлан Чингэлтэй дүүргийн нөхөн сонгуульд өрсөлдсөн ч ялагдаж Их хурлын гишүүдийн “ариун” эгнээнд багтаж чадаагүй. Тэгвэл дуучин Нара ирэх УИХ-ын сонгуульд нэр дэвшинэ гэдгээ албан ёсоор баталж тоглоом байлгүй дээ хэмээн инээлдэж суусан хүмүүсийн нүдийг орой дээр нь гаргалаа. Бүр Баянгол дүүргээс нэр дэвшихээ нэгэнт шийдчихсэн гэнэ. Дуучин Нарад бусад хүмүүсийн адил сонгох сонгогдох эрх бий. Ийнхүү санаанд оромгүй нэгэн өрсөлдөгч Баянголын дүүргийн “хаан хатан” гэх С.Эрдэнэ, С.Одонтуяа нарын өмнө хөндөлсөж байна. Магадгүй гол өрсөлдөгч нь ч байж болох юм. Гэхдээ дуучин Нара нь алдарт “Ажнай” Д.Бат-Эрдэнэтэй хамаатан садны холбоотой тул нэлээд дээрээс “шидсэн чулуу” байхыг үгүйсгэхгүй.
