Хүүхдүүд хамаатнуудаа “шалгаж” үзэх гэсэн өвгөн хуурамч оршуулга зохион байгуулжээ
Нийтэлсэн: 2016-02-19 03:34:30
Хятадад 84 настай өвгөн хүүхэд ач зээ болон хамаатнуудаа хэрэв үхвэл хэн нь оршуулганд нь хамгийн түрүүнд ирэхийг шалгаж үзэх зорилгоор буяны компанитай хамтран хуурамч оршуулга зохион байгуулсан гэнэ. Фужиан мужийн Путиан хотын өвгөн Ли эмгэнээ өнгөрсний дараа гэртээ ганцаараа суух болжээ. Нэлээд хөрөнгөлөг тул гэрийн үйлчлэгтэй гэнэ. Гэртээ ганцаараа уйдсан өвгөн дээрхи өвөрмөц маягийн туршилтыг зохион байгуулахаар шийдэн буяны компанитай хамтарчээ. Үйлчилгээний хөлсөнд нийтдээ 14 мянган юань төлжээ. Буяны компани өвөгнийг нас барсан тухай мэдээг бүх хүүхэд, хамаатнуудад нь тарааж “оршуулгыг” нь яг жинхэнэ юм шиг хийжээ. Өвөгө өөрөө авсанд орж хэвтсэн гэнэ. Түүний тооцоолж байснаар 100 хол гарсан хамаатнууд дундаас хүүхэд ач зээ, ойрын ах дүүс гэсэн 45 хүн хамгийн түрүүнд заавал ирэх ёстой байжээ. Буяны компанийхан тэдний ирэх цаг мөчийг бүртгэн хэр зэрэг гашуудаж байгааг нь ажиглах үүрэг хүлээжээ. Гэтэл өвгөний хуурамч оршууланд ердөө 26-хан хүн л эхний өдөр ирсэн гэнэ. Оршуулгын үеэр өвгөн авснаас гэнэт гарч ирсэн болон цуглуулсан 16 сая юаны хөрөнгөө эхэлж ирсэн 25 хүнд л хувааж өгнө гэсэн нь хамаатнуудынх нь хүрээнд шуугиан тарьжээ.
