Путинээс болж 300 мянган еврогоор торгуульжээ
Нийтэлсэн: 2016-02-19 02:18:17
Улстөрөөс ангид байх учиртай хөлбөмбөгийн талбай дээр Путины зурагтай футболкоо ил гаргасан орос хөлбөмбөгчинг “Локомотив” багийн удирдлагын шийдвэрээр 300 мянган еврогоор торгож 2-3-р сарын шагналт цалинг нь олгохгүй байхаар шийджээ. Хөлбөмбөгчний ар гэрийнхэн найз нөхөд нь Кремлийн зүгээс хамгаалах байх гэж хүлээсэн ч ямар нэгэн үйлдэл гаргасангүй. Өмнө нь УЕФА орос тоглогчийн улстөржсөн үйлдэлд сахилганы хэрэг үүсгэн арга хэмжээ авахаас гадна багийг нь ч мөн торгоно гэдгээ мэдэгдсэн. Холбооны зүгээс ирж магадгүй том торгуулиас айсан “Локомотив” багийн удирдлага яаран тоглогчдоо хариуцлага хүлээлгэж ингэснээр УЕФА-гаас ирэх шийтгэлийг сулруулна гэж тооцоолжээ. УЕФА дээрхи хэргийг ирэх сарын 17-нд хэлэлцэхээр тогтсон. Одоогийн байдлаар Путиныг дэмжигч тоглогчийг торгож 8-10 тоглолтонд оролцох эрхийг нь хасах төлөвтэй байна. Мөн “Локомотив” багийг ч торгох гэнэ.
