Т.Бат-Оргил : Т.Доржханд намын жагсаалт наймаалцсан нь үнэн
ХҮН-ын нийслэлийн намын хорооны дарга Т.Бат-Оргил намдаа өрнөж байгаа тэмцлийн талаар мэдээлэл өгчээ. Тэрээр анх намыг байгуулсан 10 анхдагчийн нэгний хувьд элдэв мэдэгдэл хийж яваа Ө.Мөнхбат, Ц.Баттуяа сүүлд орж ирсэн, намын дотоод асуудлыг ч төдийлөн сайн мэдэхгүй гэж дүгнэсэн. Мөн экс ЕНБД-аа намын жагсаалт наймаалцсаныг баталжээ.Тэрээр : Энэ бол манай намын дотоод асуудал тул дэлгэрэнгүй хариу өгөх боломжгүй. Т.Доржханд өргөсөн андгай тангаргаа зөрчсөн. Бидний хувьд андгай нь хоосон үгс биш юм. Түүнийг огцруулахдаа намын УЗ хууль, намын дүрмийг баримталсан боловч цаг хугацааны хувьд баяр ёслолын цаг үе таарсан нь шүүмжлэлийн бай болж байгаа юм. Шүүмжлэх нь ч зүйтэй. Бидний бүх үйл ажиллагаа ил тод байх ёстой. Тийнхүү шийдэх нь гарцаагүй тэгж таарсан болов ч ёс суртахууны хувьд хэрхэн шийдэх ёстой байсныг намын төв хорооны хурлаар хэлэлцэн шийдүүлэх юм. Намын дарга тушаал гарган Ерөнхий нарийн бичгийн даргын үүрэг гүйцэтгэгчийг төв хорооны хурал хүртэл томилсон, намын ажил хэвийн үргэлжилж байна. Төв хорооны хурал гуравдугаар сарын дундуур болно. Харамсалтай нь Т.Доржханд намынхаа шийдвэрийг маш хүндээр хүлээж авч, элдэв янзын үйлдлүүд хийж байна. .Доржхандын гаргасан ёс зүйгүй үйлдэл Цагаан сарын өмнө ил болсон. Тиймээс удирдах зөвлөлийн гишүүд Т.Доржхандыг чөлөөлөх шийдвэр гаргаад, намын даргадаа хандсан. Намын дарга удирдах зөвлөлийн гишүүдийн шийдвэрийг хүлээн авч шийдвэр гаргасан” гэжээ.
