Хатан хаан галт тэргээр явж байхад гүнж нисдэг тэрэг захиалаад шүүмжлүүлжээ
Монголд сайд гишүүд энгийн ангилалаар нисэхгүй хэмээн нислэг саатуулж байхад Англид ч гэсэн дээдсийн тансаглалын тухай том шуугиан дэгджээ. Хэвлэлийнхэн Хатан хааны гэр бүлийнхэн Норфолк гүнлэгээс Лондон хэрхэн явсан тухай шуугиантай мэдээлэл цацжээ. Эрхэмсэг Хатан хаан дагалдагсадын хамт галт тэргээр хүний 75 долларын тийз аван нийслэлдээ иржээ. Харин ханхүү Уйльям гүнж Кейт Мидлтон нар цагийн 4100 долларын түрээстэй нисдэг тэрэг хөлсөлсөн гэнэ. Английн хааны удмынхны зардлыг улсын төсвөөс гаргадаг тул татвар төлөгчид залуу дээдсүүдэд ихээхэн дургүйцжээ. Хааны ордныхон энэ талаар яран тайлбар хийж ханхүү гүнж хоёр яаралтай арга арга хэмжээтэй байсан тул арга буюу нисдэг тэрэг дуудсан хэмээсэн ч байдлыг намжааж чадсангүй. Хатан хаан 75 доллар төлөөд галт тэргээр 1 цаг 40 минут явж Лондонд ирсэн бол ханхүү гүнж хоёр түүнээс 55 дахин их зардлаар 45 минут нисэж иржээ.
