Путиныг дэмжигч хөлбөмбөгчин багаа ч өөрийгөө ч хөөдөх нь тодорхой боллоо
Туркийн Стамбулд болсон Оросын “Локомотив”, Туркын “Фенербахче” багийн тоглолтонд талбайн эзэн түрэгүүд 2:0 харьцаатайгаар хожсон. Тоглолтын дараа Оросын багийн тоглогч Димитрый Тарасов өмсгөлөө тайлж ерөнхйлөгч Путиныг илт дэмжсэн бичигтэй футболкоо үзүүлсэн нь олон нийтийн дургүйцлийг төрүүлээд зогсохгүй УЕФА-гийн дүрмийг ноцтой зөрчжээ. Холбооны дүрэм ёсоор тоглолт тоглогч хоюулаа улстөр, шажин шүтлэгээс ангид явагдах ёстой гэнэ. Тоглолтын үеэр хөлбөмбөгчид нь тодорхой нэгэн улстөрч нам, улстөрийн үзэл суртал, шажиныг дэмжсэн эсвэл буруушаасан өнгө аястай хувцастай гарах, үг хэллэг хэлэх үйлдэл хөдөлгөөн хийхийг хориглодог аж. УЕФА ерөнхийлөгчөө дэмжсэн орос тоглогчийн үйлдэлд сахилыг хэрэг үүсгэхээ зарласан. Тарасовын хэргийг ирэх сарын 17-нд хэлэлцэх агаад багт нь болон өөрт их хэмжээний торгууль оноох төлөвтэй байна. Түүнээс гадга түрэгүүдийг өдөөн хатгасан үйдлээс нь болж багаа дэмжихээр ирсэн Оросын хөгжөөн дэмжигчид рүү нутгийн залуус халдсан хэрэг гарчээ.
