Цукурберг реппэр эрийг Твиттерын “хатгаасаар” мөнгө гуйсан гэжээ
Нийтэлсэн: 2016-02-18 03:09:04
53 сая долларын өрөнд орсон реппер Канье Уэст фэйсбуукыг үндэслэгч, дэлхийн хамгийн залуу тэрбумтны нэг Марк Цукурбергээс “хөрөнгө оруулалт” нэрээр нэг тэрбум доллар гуйсан. Тэрбумтан залуу энэ хүсэлтэнд шуудхан хариу өгөөгүй. Харин өчигдөр өөрийн ажилтан болох Стивэн Гриммын “Хүндэт Канье хэрвээ та Фэйсбуукын удирдлагаас мөнгө хүсэж байгаа бол заавал Твиттер/Фэйсбуукын өрсөлдөгч/-ын хатгаасаар ийм үйлдэл хийх хэрэггүй байсан юм” гэсэн постонд лайк дарж “санаагаа” илэрхийлжээ. Стивэний хардаж байгаагаар реппер эр өрсөлдөгчийнх нь даалгавраар Цукурбергийг олон нийтийн өмнө харамч өөдгүй хүн мэт харагдуулах зорилгоор зориуд мөнгө нэхсэн болж таарчээ. Энэ пост тэр дороо тарж Твиттерынхэн биднийг хүртэл оролцууллаа хэмээн эсэргүүцсэн. Фэйсбуукын ажилтан Стивэн дарга нь лайк дарсан постоо устгасан ч олон хүн хадгалж авчээ. Ийнхүү Цукурберг Каньед мөнгө өгөхөөс дипломат аргаар татгалзсан. Реппер эр өрөнд орсоноо зарласан нь хөгжмийн ертөнцөд шуугиан тариад байна. Английн алдарт хөтлөгч Рики Жервэйз Каньег эхнэрдээ өндөр үнэтэй үслэг эдлэл, бөгж ээмэг өөртөө хурдан морь, тансаг хаус худалдан авахаа болихыг эелдэгээр сануулсан бол алдарт “Pizza Hut” сүлжээ ажилд орохыг урьсан гэнэ.
