Фейсбуукын хуурай хүүгийнхээ хуриманд очих гэж дэлхийн хагасыг туулжээ
Нийтэлсэн: 2016-02-17 06:12:40
60 настай америк эмэгтэй Дэбора Миллер 28 настай хуурай хүү Кришна Мохан Трипатигийн хуриманд очих гэж Сан-Франциска хотоос Энэтхэг хүртэл нисжээ. Дараа нь Дели хотоос Хималайн уулын бэлд орших Горакхпура тосгон хүрэх гэж ахин мянга гаруй км галт тэрэг, машинаар явжээ. Тэр хоёр дөрвөн жилийн фэйсбуукээр танилцан найз болжээ. Энэ хооронд байнга харилцан улам дотноссон гэнэ. Америк эмэгтэй энэтхэг залуу хоёрыг насны ялгааг нь үл харгалзан нэгэн зүйл холбож байсан аж. Тэр нь 60 настай америк эмэгтэй өөрийн гэх үр хүүхэдгүй бол 28 настай энэтхэг залуу багаасаа өнчирсөн байжээ. Ингээд фэйсбуукээр харилцсаар хуурай ээж хүү хоёр болжээ. Энэтхэг залуу гэрлэх болсон тул ээжийн үүргийг гүйцэтгэж өгнө үү хэмээн фэйсбуукын хуурай ээждээ хандсанд тэрээр олон мянган км туулж хуриманд нь амжиж ирсэн нь энэ гэнэ. “Фэйсбуук нь хүмүүсийг холбогч гайхалтай гүүр юм. Би хуурай хүүгийнхээ хуриманд ирээд өөрийн хүүгээ гэрлүүлж байгаа мэт маш сайхан сэтгэгдэл төрсөн” хэмээн америк эмэгтэй орон нутгийн хэвлэлд ярьжээ.
NUUTS.mn
