Сугалаагаар хожсон 2000 доллараа тэнэмэл өвгөнд өгчээ
Нийтэлсэн: 2016-02-17 02:12:58
Массачусетс мужийн Нью-Бедфорд хотын иргэн Софи Лоренг хотынхон нь бүгд магтаж байгаа гэнэ. Залуу эмэгтэй сугалагаар хожсон хоёр мянган доллароо орон гэргүй өвгөнд тэр чигээр нь өгчээ. Энэ тухайгаа тэрээр “машинтайгаа явж байгаад гэрлэн дохиогоор зогсох үед замын хажууд бээрсэн тэнэмэл өвгөнийг харсан, өвлийн хүйтэн шуурганд ноорхой хувцастай, малгай бээлийгүй агаад нулимс хацрыг нь даган хөлдсөн байхыг хараад их өрөвдсөн. Яг тэр үед гар утсанд маань мессэж ирж сугалагаар мөнгө хожсон тухай мэдэгдэхэд би тэр мөнгийг чухам хэнд өгөх ёстойг шууд л ойлгосон” гэжээ. Тэнэмэл өвгөнийг Гленн гэдэг гэнэ. Бүсгүй түүнийг кафенд оруулан хооллож ундлаад дараа нь буяны байгууллагийн хоног төөрүүлэх байр луу залгахад пиг пүүрсэн гэжээ. Тэр өдөр маш хүйтэн бас цасан шуургатай байжээ. “Би амьдралдаа хөгшин эрэгтэй хүн уйлж байхыг огт хараагүй. Гэтэл тэр өвгөн уйлж байсан” гэжээ. Бүсгүй өвгөнд хоёр мянган доллароо өгч зочид буудалд өрөө захиалаад маргааш нь дулаан хувцас авчирч хувцаслажээ. Мөн олон нийтийн сүлжээгээр дамжуулан хандивын аян өрнүүлж 5,6 мянган доллар олж өгчээ. Энэ мөнгө нь өвгөнийг дулаахан өвөлжихөд хангалттай хүрэх агаад хавраас дэмжигчдийнхээ хүчээр асрамжийн газарт оруулах төлөвлөгөөтэй байгаагаа ярьжээ.
NUUTS.mn
