Виаграг зөвхөн эхнэртэй эрчүүдэд худалдахаар болжээ
Үүнээс гадна эхнэрийнх нь бичгээр өгсөн зөвшөөрөл давхар хэрэгтэй гэнэ. Америкийн Кентукки мужийн хууль тогтоох байгууллагийн шийдвэрээ виаграг зөвхөн гэрлэсэн эрчүүдэд л зарахаар болжээ. Гэрлээгүй хосууд, хамтран амьдрагч энэ “давуу эрхийг” эдлэхгүй гэнэ. Энэхүү төслийг санаачлагч АН-ын гишүүн Мэри Лу Марзиен өөрийн үндэслэлээ тун үнэмшилтэй гаргаж иржээ. Тэрээр “Виаграг эрчүүд бэлгийн чалхаа сайжруулах гэж хэрэглэдэг. Гэтэл ийм чухал бэлдмэлийг гэр бүлээс гадуурхи харьцаанд ашиглах нь тун ёс зүйгүй хэрэг юм. Виагра нь гэр бүлийн дотно харилцааг бэхжүүлэгч үүрэг гүйцэтгэх учиртай. Мөн нөхөр нь энэ бэлдмэлийгхэрэглэх эсэхэд эхнэр нь ч оролцож шийдвэр гаргаж эрхтэй” гэжээ. “Секс хийхэд эхнэр нөхөр хоюулаа оролцдог. Түүнээс гадна виагра нь эрүүл мэндэд сөрөг нөлөө үзүүлж болох юм. Эхнэртэй эрчүүд виагра худалдан авахдаа эхнэрийнхээ бичгээр өгсөн зөвшөөрлийг заавал үзүүлэх хэрэгтэй. Нөхөр нь гэр бүлээс гадуур харилцаандаа ашиглах зорилгоор худалдан авах явдал гарвал яах вэ “ хэмээн асуудал дэвшүүлжээ. Гишүүн хатагтайн баталснаар шинэ журам гэр бүлийн үнэ цэнийг өсгөөд зогсохгүй эрчүүдийг өөрсдийг нь өөрсдөөс нь хамгаалах давхар ач холбогдолтой гэжээ. Олныг шуугиулсан энэ төслийг хэлэлцэх үед зарим гишүүд виагра худалдан авч байгаа эрэгтэй нь энэхүү бэлдмэлийг зөвхөн гэр бүлийн хүрээнд л ашиглана гэдгээ Библийг барьж тангараглах ёстой гэх зэрэг гайхалтай санал гаргажээ.
