Оросын ерөнхийлөгч Путин шүүхэд хариуцагчаар дуудагдлаа
.jpg)
Хойд хөршийн сөрөг хүчний удирдагчдын нэг Алексей Навальный ерөнхийлөгч Путинг хариуцагчаар татан шүүхэд өгчээ. Навальный энэ тухай өөрийн блогдоо”...Өнөөдөр Тверскийн захиргааны шүүхэд Путин Владимир Владимировичийг хариуцагчаар татан шүүхэд өглөө. Энэ нөхөр Авилгалын эсрэг болон Ашиг сонирхлын зөрчлийн тухай тухай бүхэлд нь санаатайгаар зөрчисөн” хэмээн бичжээ. Тэрээр Путины бага охин Катеринатай гэрлэсэн бизнесмэн Николай Шамаловын хувь эзэмшдэг “Сибур” компани төрийн “Фонда национального благосостояния”-гаас 1,7 тэрбум долларын дэмжлэг хүртсэн нь дээрхи хоёр хуулийг ноцтойгоор зөрчсөн хэрэг гэж үзжээ. Түүгээр ч барахгүй Путины бага хүргэн нефь-химийн энэ том компаний ихээхэн хэмжээний хувьцааг эзэмших болсны дараа төрийн дэмжлэг авч байгаа нь бүр ч ноцтой бас сэжигтэй мэдэгджээ. Хүргэн Шамалов нь өдгөө 33 настай агаад долоон жилийн өмнө “Сибур” компаний дэд ерөнхийлөгчөөр дэвшжээ. Удалгүй ерөнхийлөгчийн охинтой сууж дараахан нь “үр бүтээлтэй тогтвор суурьшилтай ажилласан” хэмээн ноогдол хувиар шагнуулжээ. Чухам үүний дараа л компани нь төрийн сангаас дэмжлэг авсан гэнэ.
