ХҮН-ын залуус С.Ганбаатарыг “хүн” шиг эсэргүүцэн бослоо
Олон нийтийн дунд овоо гуравдагч хүчнээр тодорч байсан ХҮН-д С.Ганбаатар ирсэнээр бүх зүйл орвонгоороо эргэсэн гэнэ. МАНАН-г жигшин шинэ намд элссэн залуус “хиншүүг” намын дарга болохыг нь арайхийн тэссэн ч нам дотор их цэвэрлэгээ хийхийг нь тэсвэрлэж чадалгүй дуугарч эхэллээ. Тэдний үйлдлийг олон нийтийн зарим хэсэг “овоо хүн шиг юм хийх нь” хэмээн дэмжиж байна. Сар шинийн өмнөхөн Хөдөлмөрийн үндэсний намын (ХҮН) Удирдах зөвлөл хуралдсан байна. Уг хурлаар Удирдах зөвлөлийн гишүүдийн олонх нь тус намын Ерөнхий нарийн бичгийн даргаар ажиллаж байсан Т.Доржхандын удирдах арга барилд дүгнэлт хийж, тус намын дарга С.Ганбаатарт хандан дүрмийн дагуу үүрэгт ажлаас нь чөлөөлж өгөх санал гаргасан байна. Удирдах зөвлөлийн гишүүдийн олонхийн шийдвэрийг намын дарга С.Ганбаатар харгалзан үзэж Т.Доржхандыг чөлөөлж оронд нь Н.Одонгуаг томилжээ. Н.Одонгуа нь тус намын анхны үүсгэн байгуулагчдын нэг гэнэ. Өдгөө халаа сэлгээний давалгаа хотын намын удирдлагын хүрээнд ирсэн тул Ө.Мөнхбат гэгч залуу намын даргаа зад шүүмжилэн гарч ирлээ. Энэ нэг талаараа ХҮН доторхи анхны дотоод зөрчил хагаралын баталгаа бол нөгөө талаараа анхнаасаа л “Хиншүүгийн” нам байсан, орохдоо мэдээгүй юм уу хэмээн амыг нь асуух хүмүүс гарчээ.
