Уурссан иргэд улстөрчид лүү юу шиддэг вэ ?
2008 онд Иракын сэтгүүлч Мунтазар аз-Зейди Ойрхи Дорнодод явуулж байгаа бодлогийг нь эсэргүүцэн Америйкийн ерөнхийлөгч Жорж Буш руу өмсөж явсан гутлаа чулуудсан. Сэтгүүлч тэр өдрөө л лалын ертөнцийн баатар болж байсан.
2001 онд Английн шадар сайд Жон Прескот руу хөдөө аж ахуйн бодлогийг нь эсэргүүцсэн фермер ялзарсан өндөг шидэн яг нүүрэнд нь оносон. Хэрвээ хамгаалагч нар яаран салгаагүй бол урьд нь боксоор хичээллэж байсан шадар сайд фермерийг нам цохих байсан гэдэг.
2011 онд Оросын Төрийн зөвлөлийн дарга, “Шударга Орос” хөдөлгөөний тэргүүн Сергей Мироновыг Курск хотод цуглаанд үг хэлж байхад нь эсэргүүцэгчид нь хуучин өдөн дэрээр чулуудсан.
2011 онд ижил хүйстнүүдийн талаар хатуу бодлого явуулахыг шаардсан ерөнхийлөгчид нэр дэвшигч Ньют Гингрич руу ЛГБТ хөдөлгөөнийхөн наалдамхай саа цацсан.
2003 онд Калифорни мужийн захирагчид нэр дэвшиж байхдаа Арнольд Шварцнеггер ялзасан өндгөөр чулуудуулсан ч инээд наргиа болгоод өнгөрч байсан.
2003 онд Оросын Сонгуулийн хорооны дарга Александр Вишняковыг Үндэсний большевик намынхан “шударга сонгууль болоогүй” хэмээн эсэргүүцэж ялзарсан өндгөөр шидэлсэн.
2009 онд Италийн Ерөнхий сайд Сильвия Берлусконийг Массимо Татралья гэдэг сэтгэцийн өвчтэй эр Миланы цогчин сүмийн дурсгалын барималаар шидэж хоёр шүдийг нь цөм цохин хамрыг нь хугалсан. Тэр явдлаас хойш Милан хотын бэлэг дурсгалын дэлгүүрүүдэд өнөөх сүмийн барималын борлуулалт эрс нэмэгдсэн гэдэг.
2014 онд Шинэ Зеландын “ACT New Zealand” намын дарга Жон Бэкс руу нэгэн фермер адууны баас цацсан. Тэрээр сонгуулийн үед хөдөө аж ахуйн бодлогийг эрс өөрчилнө хэмээн фермерүүдийн холбооноос 35 мянган долларын хандив авсан ч хэлсэндээ хүрээгүй гэнэ.NUUTS.mn
