Сүүлийн 20 жил ус уугаагүй испани өвгөн 107 насалжээ
Нийтэлсэн: 2016-02-08 01:34:46
Өнгөрсөн жил 107 насандаа испаний дарс үйлдвэрлэгч Антонио Докампо Гарсиа бурхан болсон. Түүний амьдралын нэг гайхалтай зүйл нь сүүлийн 20 жил огт ус уугаагүй гэнэ. Мөн 104 насандаа амьдралдаа анх удаа эм уужээ. Усан үзмийн том талбайгаасаа авсан ургацаараа жилдээ 60 мянган литр дарс нэрдэг тэрээр цэвэр өөрийн хувийн хэрэгцээндээ хэмээн гурван мянгыг нь үлдээдэг байжээ. Дарсчин эр бүтэн жилийн турш зөвхөн өөрийн нэрсэн дарсаа уудаг агаад ус, цай, жүүс гэх мэт өөр төрлийн шингэн ерөөсөө хэрэглэдэггүй байсан гэнэ. Нэг литр дарс уухад хоол идсэн мэт болдог гэж ярьдаг байжээ. Ийнхүү амьдралыг тэтгэгч усыг дарсаар сольсон эр 107 насалсан агаад дөрвөн үеээ үзээд бурхан болжээ.
NUUTS.mn
