Нууц мэдээллийн уурхай

Антифеминизм буюу эмэгтэйчүүдийн эрхийг хязгаарлахын төлөө хөдөлгөөнтэй холбоотой шуугиан ахин дэгджээ. Энэ удаад хүчиндэхийг хуульчлахын төлөө тэмцдэг “Return of Kings” байгууллагын гишүүд дэмжигчид дэлхий даяар нэг цагт тухайн бүс нутагтаа уулзалт зохион байгуулах гэж байсныг эмэгтэйчүүдийн байгууллага, олон нийтийн шаардлагаар ихэнхи газарт зогсоож чаджээ. Зарим оронд цагдаа хүчний байгууллага оролцсон байна. Хүчиндэхийг хуулиар зөвшөөрүүлэхийг гол зорилгоо болгон тэмцдэг “Return of Kings” нь дэлхийн олон оронд салбартай аж. Тус байгууллагийн тэргүүн Дарюш Вализадех/зурган дээр/-ийн мэдэгдсэнээр дэлхийн 43 орны 165 газарт гишүүд дэмжигчид нь цугларах ёстой байжээ. Гэсэн ч энэ удаагийн цугларалт явагдах боломжгүй болсоныг байгууллагийнхаа сайтаар мэдээлсэн байна. “Хэдийгээр бид гишүүддээ  уулзалтыг нууц байдалд явуулах удирдамж чиглэл өгсөн ч 2-р сарын 6-ны нэгдсэн цугларалт явуулахыг түр хугацаагаар хойшлуулж байна. Цугларалтанд ирсэн гишүүдийн аюулгүй байдал хангагдах баталгаа эрсдэлтэй болсон тул ийм шийдвэр гаргасан” гэжээ. Удирдамж ёсоор гишүүд дэмжигчид нь дэлхий даяар тухайн тохирсон газартаа орон нутгийнхаа цагаар оройн 20 цагт цугларах ёстой байжээ. Гэсэн ч мэдээлэл алдагдсан тул  хучиндэхийг дэмжичгдийн эсрэг эсэргүүцэгчид болон эрх баригчид шуурхай арга хэмжээ авч эхэлсэн гэнэ. Австралид л гэхэд уг уулзалтыг таслан зогсоохыг шаардсан 100 мянган хүний гарын үсгийг эмэгтэйчүүдийн хөдөлгөөнийхөн цуглуулж чаджээ. Германд эмэгтэйчүүдийн эрхийн төлө тэмцэгчид “Return of Kings”-ын цугларалтыг хүч хэрэглэн тараана хэмээн сүрдүүлжээ. Хучиндэхийг хуульчилахын төлөө тэмцэгчдийн удирдагч Дарюш Вализадех нь “Хүчиндэхийг хуулиар зөвшөөрснөөр эмэгтэй хүн унтах дургүй эрэгтэйтэй хамт байхгүй байхыг хүснэ. Ингэснээр эмэгтэйчүүдэд сонголтын аса их боломж гарч ирнэ. Хүчингийн гэх ихэнхи хэрэг гэр бүлийн хүрээнд гардаг тул үнэндээ гэмт хэрэг биш юм. Эмэгтэйчүүдийн сонгох сонгогдох эрхийг ч хасах эрхтэй. Эмэгтэй хүний “үнэ цэнэ нь зөвхөн түүний гоо үзэсгэлэнгийн түвшингээс л хамаардаг байх учиртай” гэж  сурталчилдаг гэнэ. “Return of Kings” нь дэлхийн 60 гаруй оронд дэмжигчидтэй агаад бүгдээрээ эрэгтэйчүүд байдаг аж.