Майкл Жексоны дүрд цагаан арьст жүжигчинг сонгосон нь бөөн шуугиан дэгдээлээ
Нийтэлсэн: 2016-02-04 02:28:28
Америкийн өнгөт арьст жүжигчид Оскарын шалгаруулалтнаас “жийгдэж” бөөн шуугиан дэгдээсэн бол өдгөө Английн хар арьст жүжигчид ч гадуурхагджээ. Британы “Sky Art” сувгийн бүтээх гэж байгаа “Элизабет Майкл Марлон гурав” инээдмийн киноны Майкл Жексоны дүрд цагаан арьст жүжигчинг тоглуулахаар шийдэн сонгож авсан нь жинхэнэ хэрүүл тэмцэл дэгдээгээд байна. Киноны үйл явдал нь “Vanity Fair” сэтгүүлд хэвлэгдэж байсан 2011 оны халдлагын дараа Майкл Жексон нь Марлон Брандо, Элизабет Тейлор нартай хамт машин түрээслэн Нью-Йоркоос зугтааж байгаа тухай хошин өгүүллэгээс сэдэвлэжээ. Харин попын хааны дүрийг цагаан арьст англи жүжчигчин Жозеф Файнс бүтээхээр болсныг хар арьснууд эсэргүүцжээ. Хамгийн түрүүнд бухимдлаа илэрхийлсэн нь нэрт дуучин Крис Браун агаад “тэд МЖ-гийн дүрд шал буруу хүнийг сонгочихож, тэгвэл би Супермэний дүрд тоглоё, ямар үхсэнээ хийгэад байгаа юм бол, цагаан хүн хар арьстны дүрийг бүтээж чадах уу” гэжээ. Хари Майклын дүрд тоглох Файн энэ бүх хэл аманд машид цочирдсон гэжээ. “Би Лондонгийн дундаж давхрагаас гаралтай жирийн л нэг залуу, хэрэв үүндээ тулах юм бол попын хааны арьсны өнгө хараас илүү цагаан талдаа байсан шүү” хэмээн эсэргүүцжээ. Өдгөө маргаан Майкл Жексон ямар арьстан байсан гэдэг рүү шилжээд байна.
