Путины залгамжлагч “албан бус” байдлаар тодорлоо
Өчигдөр Оросын ерөнхийлөгч Путин гэнэтийн томилгоо хийсэн нь ажиглагчдыг гайхшруулж таамаглал дэвшүүлэхэд хүргэлээ. Тэрээр Тульск мужийн амбан захирагчийг “өөрийнх нь хүхэлтээр” ажлаас чөлөөлж оронд өмнө нь бие хамгаалагчдынх нь нэг байсан хошууч-генерал Алексей Дюминыг үүрэг гүйцэтгэгчээр томилжээ. Монголд Батзаяа гэдэг бие хамгаалагч ингэж цойлж байсан удаатай. Холбооны хамгаалалтын алба хэмээх төрийн том байгууллагаас Ерөнхийлөгчийн хамгаалалтын албанд шилжин ирж байсан тэрээр өдгөө Оросын баатар цол болсон. Ажиглагчдын таамалж байгаагаар бие хамгаалгч ийнхүү гэрлийн хурдаар шат ахиж байгаа нь Путин залгамжлагчаа бэлдэж байгаатай холбоотой гэнэ. Магадгүй Дюмин нь 2018 онд дараагийн төрийн тэргүүн болж ч мэднэ. Ажиглагчдын үзэж байгаагаар Путинд гурван ч залгамжлагч бий гэнэ. Эхнийх нь одоогийн Ерөнхий сайд Димитрий Медведев агаад тэрээр баруун хийгээд Америктай хэт дотносдог буулт хийдэгт нь Оросын цэргийнхэн, тагнуул хүчнийхэн хийгээд генералууд үзэн яддаг. БХЯ-ны сайд Шойгугийн “гарын хүн” гэгдэх Андрей Воробьев гэдэг генерал нь хатуу үзэл бодолтойгоороо цэргийнхэн, хүчнийхэнд их таалагддаг. Эцэст нь өдгөө том мужийг удирдах болсон бие хамгаалагч Дюмин аж. Тэрээр жинхэнэ Путины гарын хүн агаад ерөнхийлөгчийн хамгаалалтын албаны дарга, хувийн адьютантаар нь ажиллаж байсан машид итгэмжлэгдсэн нэгэн гэнэ. Путинд 2014 онд хувийн адьютантдаа хошууч-генерал цол олгон Тусгай үүргийн хүчний командлагч гэдэг албан тушаалд томилсон. Чухамдаа Дюмины удирдсан тусгай анги хамгийн түрүүнд Крымд орсон гэдэг. Украйнаас Крымийг булаасны дараа тэрээр ОХУ-ын батар цолоор шагнуулж гэрлийн хурдаар дэвшсэн. Тусгай хүчний командлагчаасаа хуурай замын цэргийн командлагчийн 1-р орлогч бөгөөд Жанжин штабын даргаа томилогдсон бол өнгөрсөн оны 12-р БХЯ-ны орлогч сайдаар дэвшсэн. Өдгөө мужийн амбан захирагч болсон бол тун удахгүй сайдын суудалд очихыг ч үгүйсгэхгүй байна. Ийнхүү Путины залгамжлагчаар “албан бусаар” тодроод байгаа Дюмин нь энэ жил 43 хүрч байгаа аж.
NUUTS.mn
