Муу зам тавьсан хотын даргыг захиргааны байшингийн өмнө зоджээ
Нийтэлсэн: 2016-02-03 01:21:21
Монголчууд хойд хөршөөсөө олон зүйл суралцсан. Тэгвэл сурч хэрэгжүүлэх зүйл зөндөө гарах бололтой. Бүтэн жил муу замаар явж тэвчээр нь баригдсан иргэд хотын даргаа төв талбайд барьж зодсон хэрэг Оросын Ставрополь мужийн Солуна-Димитревск гэдэг хотод гарчээ. Хотын цагдаагийн газрын мэдэгдсэнээр мээр Никалай Пелиховыг хотын захигааны байрнаас гарахад хоёр залуу тосон иржээ. Тэд өнгөрсөн жил тавигдсан зам маш муу чанартай болсон, эвдрэл хагарал ихтэй, үүнээс болж олон иргэд машинаа эвдсэн талаар хэлж хотын даргыг буруутгажээ. Маргаан хурцдан хэрүүлд хүрч сүүлдээ залуусын нэг нь хотын даргыг цохин унагахад нөгөөх нь нүүр лүү нь өшиглөжээ. Цагдаа нар даргад халдсан залуусыг тэр дор нь барьсан агаад хохирогч эмнэлгийн тусламж авсан гэнэ. Харин цахим сүлжээгээр иргэд нь даргыг зодсон залуусыг 100 хувь дэмжиж байна.
