“Google” ажилтандаа логотойгоо төстэй 6006,13 долларын шагнал өгсний учир...
Нийтэлсэн: 2016-02-02 03:49:18
Санмэй Вэд гэдэг энэ ажилтан компаниасаа үнэнч шудрага зангийн төлөө хэмээн 6006 доллар 13 центийн мөнгөн шагнал авчээ. “Google” компаний зориуд өөрийн домайн нэртэйгээ ижилхэн тоогоор шагнал өгсөн нь учиртай гэнэ. Санмэй Вэд өнгөрсөн оны намар сайтын домайн нэр зардаг вэбээс google.com нэр зарагдахаар тавигдсан байхыг олж харжээ. Ингээд шууд худалдан аваад дараа нь компаний удирдлагадаа мэдэгджээ. Удалгүй аймшигтай хариуцлагагүй явдал гарсан болох нь мэдэгдсэн гэнэ. Компаний удирдлага домайн нэрнийхээ сунгалтыг хийгээгүйн улмаас хамгийн олон хандалттай вэбын нэр зарагдахаар зарлагдсан байжээ. Хэрвээ азаар компанийх нь шударга ажилтан олж хараад аваагүй бол өдгөө асар их мөнгө төлөгдөх хэмжээнд хүрэх байсан гэнэ. Компаниа аварсан Санмэй Вэдэд ийнхүү 6006,13 долларын шагнал өгсөн ажээ.
