Жеймс Бондын “хүүхэнд” тоглосон эмэгтэй жүжигчид яагаад урууддаг вэ ?
Нийтэлсэн: 2016-02-01 06:31:07
Английн алдарт тагнуулч 007 нь шилдэг нууц ажилтан төдийгүй хүүхнүүдийн эрлэг байдаг. Жеймс Бондын шинэ анги бүрд шинэ найз хүүхэн бас шинэ жүжигчин эмэгтэй гарч ирдэг. Гэтэл 007-гийн найз хүүхэнд тоглосон эмэгтэй жүжигчид тухайн дүрээрээ тэрхэн зууртаа л алдаршдаад дуусдаг таагүй тавилантай байдаг нь гайхалтай. Дараа нь ахиад ямар ч олигтой дүрд тоглохгүй байсаар марттагддаг болохыг доохи жишээ батална :
-Линда Кристиан : Энэхүү үзэсгэлэнт бүсгүй 1954 онд бүтээгдсэн Бондын “Казио Рояаль”-д тоглосон. Мексик гаралтай халуун цустай тэрээр 007-гийн найз хүүхний дүрд шууд тэнцсэн ч энэ нь түүний агшин зуурын гялалзсан амжилт байсан. Дараа нь нэг ч том дүрд тоглохгүй явсаар сүүлдээ арга буюу Мексикийн телевизүүдийн савангийн дуурьд насан туршдаа тоглосон. Хоёр ч удаа бүтэлгүй гэрлэж, нөхөр нь амиа алдах зэргээр хувийн амьдралын азгүйтэл байнга дагасан. Тэрээр 2011 онд хорт хавдраар нас барсан.
-Урсула Андерс : Энэхүү цайвар үс гоо бүсгүй 1962 онд бүтээгэдсэн Бондын “Доктор Ноу”-д тоглосон. Дотуур хувцасны модель байсан тэрээр 007-гийн найз хүүхэнд тоглоод бас л эгшин зуур алдаршаад бөхсөн. Кинонд тоглохдоо өмссөн дотуур хувцсыг нь шүтэн бишрэгчид нь 40 мянган доллароор булаацалдан авч байсан үе байсан. Гэсэн дахиад нэг ч кинонд уригдалгүй мартагдаж үлдэх амьдрлаа далайн хавчны наймааны бизнесдээ зориулах хувь заяатайгаа эвлэрсэн. Өдгөө тэрээр 76 настай.
-Даниэла Бианки : Цайвар үстэй энэ бүсгүй үнэндээ цэвэр итали эмэгтэй байжээ. Гэсэн ч Бондын 1963 онд бүтээгдсэн “FROM RUSSIA WITH LOVE”-д орос тагнуулчын дүрийг бүтээсэн. Дараа нь хэдэн кинонд тоглосон ч амжилт олоогүй. 
-Клондин Оде : 1965 онд бүтээгдсэн Бондын “Thunderball”-д цөмийн дайныг аюулыг зайлуулахад 007-д тусалдаг найз бүсгүйн дүрийг нь бүтээсэн. Тухайн үд 24 настай байсан франц жүжигчний алдар хүнд түүнээс хойш эх орондоо л “эргэлдэх” болсон. .jpg)
-Акико Вакабаяси : Азийн төлөөлөл болсон үзэсгэлэнт япон бүсгүй 1967 онд бүтээгдсэн Бондын “You Only Live Twice”-д тоглосон. Тэрээр жүжигчний карьерийнхаа турш 30 гаруй кинонд тоглосон ч 007-гийн найз бүсгүй болсон нь л алдаршжээ.
-Жэйн Сеймур : Улбар шар үст үзэсгэлэнт бүсгүй Бондын “Live and Let Die”-д найз бүсгүй нь болсон. Бондын найз хүүхнүүд дундаас хамгийн алдаршиж чадсан нэгэн. 1999 онд Английн хатан хаанаас язгууртан хагатайн хэргэм авсанаас гадна Холливудын алдартнуудын хананд нэрээ сийлүүлсэн. 
-Ким Бэйсинжер : Өөрөө алдартай жүжигчин ч Бондын найз хүүхэн болоод улам алдаршаагүй харин ч шүүмжлүүлсэн. Кимийн тоглосон 1983 онд бүтээгдсэн “Never say Never” нь 1965 оны “Thunderball”-той адилхан болсон хэмээн шүүмжлэлд өртсөн. Тэгээд ч энэ ангид алдарт Шон Коннери 007-гийн дүрийг сүүлийн удаа бүтээсэн тул Ким тоглосон гэдгээрээ бус Шоны сүүлчийнх гэдгээрээ үзэгчидэд үнэлэгддэг..png)
-Софи Марсо: Алдарт Софи бас л Бондын найз хүүхэн болоод улам алдаршаагүй. 1999 оны “World Is Not Enough” ангиас дуу нь хамгийн их алдаршсан гэхэд болно.
-Холли Берри : Бондын 2002 онд бүтээгдсэн Die Another Day”-д найз хүүхэн нь болсон ч бас л дарагдсан гэхэд болно. Энэ анги алдарт Пирс Броснаны сүүлчийн тоглолт гэдгээрээ алдаршсан. Киноны дууг Мадонно дуулсан тул тэр хоёр алдартны сүүдэрт Холли ахиад л даруулсан.NUUTS.mn
