Б.Батзаяаг дахиад батлан даалтанд гаргажээ
Нийтэлсэн: 2016-02-01 02:06:29
Өмнө нь нэг удаа батлан даалтад гаргаад дахин хорьсон ЗТЯ-ны ТНБД асан Б.Батзаяг өнгөрсөн баасан гарагт батлан даалтад гаргажээ. Зам тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяаг шинэ төмөр замтай холбоотой хэргээр Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсээс саатуулан шалгаж байгаа юм. Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхийн шүүгчийн захирамжаар түүнийг дахин батлан даалтад гаргажээ. Мөн түүний хэрэгт холбогдон шалгуулж буй БНСУ-ын иргэн иргэн “Самсунг Си Ти” компанийн захирал Ли Жон Гёлыг өмгөөлөгчийнх нь болон өөр хоёр хүний батлан даалтад өгсөн байна. Экс ТНБД-ыг хоёрдахь удаагаа батлан даалтанд гаргасан нь хуулийнханд түүнийг эсрэг баримт хангалтгүй байгааг харуулж байна.
