Оросын ЧБХ-ны дэд ерөнхийлөгч Омар Муртузалиев : Монголын эмэгтэй шигшээ биднийг айлгаж байна
.png)
Монголын эмэгтэй бөхчүүд шуугиан тарьсан Крансноярскийн Гранд при “Иван Ярыгин”-ы дараа Оросын ЧБХ-ны эмэгтэйчүүдийн шигшээ багийг хариуцсан дэд ерөнхийлөгч Омар Муртузалиев ярилцлага өгсөнийг хүргэе :
-Оросын багийн энэ тэмцээнд үзүүлсэн амжилтыг хэрхэн дүгнэж байна вэ ?
-Хэдийгээр манай эмэгтэй баг бүрэн бүрэлдэхүүнээрээ оролцож чадаагүй ч муугүй амжилт гаргалаа. Хэд хэдэн жинд амжилт үзүүлж чадаагүй ч холбоо ерөнхийдөө сэтгэл хангалуун гэж хэлж болно. Гэхдээ энэ удаагийн тэмцээнд Монголын эмэгтэй бөхчүүд эрс сайжирснаа харуулсаныг цохон тэмдэглэх хэрэгтэй. Тэд маш хчирхэгжсэн байна. Бүр ойрын жилүүдэд одоогийн лидер Японы багтай тэргүүн байр буцаалдах байх гэсэн сэтгэгдэл надад төрлөө.
-Оросын эмэгтэй бхчүүдээс хэнийг онцолмоор байна ?
-Инна Тражуковагийн барилдаан таалагдлаа.
-Домогт Каори Ичогийн ялагдлын тухайд та юу хэлэх вэ ?
-Холбооны зүгээс Олимпийн хоёр удаагийн аварга Арсен Фадзеевийг урьж ярилцан задлан шинжилж дүгнэлт хийсэн. Логикийн хувьд ямар ч аугаа бөх хэзээ нэгэн цагт ялагддаг гэдэг нь нэг талаас батлагдлаа. Гэхдээ Каоригийн ялагдлын шалтгааны талаар нэгдсэн дүгнэлтэнд хүрч чадсагүй. Харин домогт бөхийг ялсан монгол бүсгүй манай улсын нээлттэй цомын тэмцээнд Наталья Гольцыг ялж түрүүлсэн ялах хүслээр дүүрэн бөх гэдгийг бид мэднэ. Магадгүй энэ тэмцээнд Каориг ганцхан тэр л ялж чадах байсан байж болох юм. Сүүлийн үед Монголын эмэгтэй шигшээ бүх талаараа сайжирсан, хэд хэдэн дэлхийн аваргатай ч боллоо. Жинхэнэ Монголын довтолгоо эхэлж байна гэж хэлж болно. Иймд бид тэднээс хоцрохгүйн тулд маш их ажиллах хичээх хэрэгтэй. Иймд би бүх эмэгтэй бөхчүүдээ яг одооноос бэлтгэлээ чанартай сайн хийхийг уриалж байна.
NUUTS.mn
